Timu ya masewero a Draughts ya dziko lino yalephera kupita kukasewera nawo mpikisano wa dziko lonse kaamba kochedwa kukonzekera.
Mlembi wa bungwe loyendetsa masewero wa m’dziko muno la ADIMA, Suzgo Nkhoma, wauza MBC kuti anachedwa kuchititsa mpikisano opeza akatswiri opita ku Russia kaamba kosowa ndalama ndipo izi zachititsa kuti alephere kupangitsa ma VISA a osewerawa mu nthawi yabwino.
Osewera okwana asanu ndi amene amayenera kupita ku mpikisanowo.
A Nkhoma ati padakali pano, chidwi chonse ayika pa mpikisano wa m’mayiko a mu Africa omwe uchitike mwezi wa November m’dziko la Zimbabwe.
Olemba Amin Mussa
