Mtsogoleri wadziko lino, Dr. Lazarus Chakwera, walonjeza kuti boma lake lionetsetsa kuti maziko onse achitukuko, amene akuchitika pakadali pano, apindulire aliyense.
Dr. Chakwera walankhula izi pazokambirana zimene wachita ndi atsogoleri azipembedzo osiyanasiyana amchigawo cha kummawa.
Polankhula ku nyumba ya boma ya Chikoko Bay ku Mangochi, Dr. Chakwera ati mwazina, boma likuika chidwi chachikulu pantchito za mayendedwe pomanga misewu yamakono, kulimbikitsa ntchito za ulimi, migodi komanso kusamalira chilengedwe pofuna kupewa ngozi zogwa mwadzidzi, zimene zikumabwezeretsa m’mbuyo chitukuko.
“Chimene tikupempha kwa inu atsogoleri a mipingo ndi chakuti muthandize pantchito yolimbikitsa anthu kukhala ndi maganizo osinthika pakachitidwe ka zinthu ndipo zonse ziyenda bwino.”
Olemba: Owen Mavula
