Gulu la kampani la FMB Capital Holdings lomwe liri ndi banki ya First Capital Bank (FCB) kuno ku Malawi lapanga phindu lokwana $78.7 million zomwe ndi (K137.8 billion) mu chaka chatha.
Izi ndi malinga ndi kalata yazachuma yomwe gululi latulutsa ndipo yasayinidwa ndi wapampando wa guliri a Terence Davidson komanso m’modzi mwa akulu akulu ake a Busisa Moyo.
Kupatulako ku Malawi, FMB Capital Holdings iri ndi kampani zachuma ku Botswana, Mozambique, Zambia, Zimbabwe komanso Mauritius.
FMB Capital Holdings yati phinduli lapezeka kamba ka mfundo zabwino zachuma zomwe akugwiritsa ntchito.
Gululi lati mwa phinduli, anthu amene ali ndi masheya mu kampaniyi agawana (dividend) $10.6 million yomwe ndi K18.5 billion.
