Mlingo wa kukwera mtengo kwa zinthu (inflation rate) watsika mu February chaka chino kufika pa 33.5 percent kuchoka pa 35 percent mu January.
Izi ndi malinga ndi nthambi ya National Statistical Office (NSO).
Kutsikaku ndi kaamba ka kutsika kwa mlingo wa kukwera mtengo kwa zakudya m’dziko muno.
Mlingo wa kukwera mtengo kwa zakudya watsika kufika pa 42 percent mu February kuchoka pa 44.9 percent mu January.
Banki yayikulu ya Reserve inakweza mlingo wa chiongoladzanja chomwe mabanki amalipira akakongola ndalama ku bankiyi (policy rate) kufika pa 26 percent ndicholinga choti mlingo wakukwera mtengo kwa zinthu (inflation rate) uyambe kutsika.
