Malawi Broadcasting Corporation
News Nkhani

Ndende si malo okhaulitsa anthu – Wisikoti

Mkulu oyang’anira ndende za m’dziko muno, a Masauko Ng’ombeyagwada Wisikoti, ati kundende ndi malo othandiza kusintha khalidwe la munthu osati malo ongokhaulitsira iwo ophwanya malamulo.

A Wisikoti amafotokoza izi pamene bungwe la Uthunthu limakhazikitsa m’gwirizano ndi bungwe la TEVETA kuti lidziphunzitsa achinyamata a ndende za m’dziko muno maphunziro ambiri kuti akadzakhala mfulu asadzasowe poyambira.

Bungwe la Uthunthu ndi la chikhristu ndipo limathandiza anthu kukhala odzidalira paokha kudzera m’maphunziro a ntchito zamanja.

Mkulu wa bungweli, a Caswel Mkanda, ati agwiritsa ndalama zokwana K100 million zomwe anasonkha ndi mamembala awo ndipo anamema anthu akufuna kwabwino kuti awathandize kupitiliza zimene ayambazi.

Poyankhulapo, mkulu wa bungwe la TEVETA, a Elwin Chiwembu-Sichiola, ati maphunziro amenewa akayambira ku ndende za Maula ndi Kachere mu Mzinda wa Lilongwe.

A Sichiola ayamikira bungwe la Uthunthu ndipo ati apitiliza kugwira nalo ntchito limodzi.

Print Friendly, PDF & Email

Related posts

Alinafe Mlamba

MALAWIAN MINORITY SPORTS LOOKS PROMISING – ENTHUSIAST

Romeo Umali

Agriculture Crisis Response Initiative bails out Cyclone Freddy survivors from food insecurity

Eunice Ndhlovu
error: All Content is protected. Copyright © 2022. Malawi Broadcasting Corporation. All Right Reserved.