Malawi Broadcasting Corporation
Agriculture Local News Nkhani

BOMA LAPEZA MISIKA YAMBIRI YAMBEWU ZA ALIMI

Boma latsimikizila alimi mdziko muno kuti asade nkhawa za misika komwe akagulitse mbewu zao.

Nduna ya zaulimi a Sam Kawale anena izi atayendela alimi omwe apindula ndi ngongole za ulimi za NEEF.

A Kawale ati kampani zambili kuphatikizapo ya Pyxus ndi Paramount Holdings zatsimikizila boma kuti agula mbewu zochuluka kuchokera kwa alimi chaka chino.

Iwo ati pali mwai waukulu kuti nalo bungwe la ADMARC liyamba kugula mbewu mu nthawi yake kaamba koti nduna yoona zachuma yawatsimikila zakuthekera kopereka ndalama zokwanira ku bungweli.

Alimi ambiri omwe awayendera kale m’maboma a Lilongwe, Mchinji ndi Ntchisi akuyamika boma chifukwa chopereka ngongole za NEEF kwa alimi ponena kuti zikuwapatsa mwai wogula zipangizo zambiri zaulimi poyerekeza ndi ndondomeko ya AIP.

A Kawale pa ulendowu, limodzi ndi akulu akulu abungwe la NEEF, nduna yoona za chuma a Simplex Chithyola Banda komanso nduna yazofalitsa nkhani a Moses Kunkuyu.

M’modzi mwa alimiwa, a Bonface Puye, m’boma la Mchinji ati ngongole za NEEF zitafikila alimi ambili mdziko muno nkhani ya njala itha kukhala mbili ya makedzana.

Ndipo poyankhula kwa Mkanda a Kawale atsimikira alimi omwe sanagule fetereza kuti aonetsetsa kuti akupezeka mosavuta.

Phungu wadera la kumpoto m’boma la Mchinji, a Rachel Mazombwe Zulu, ayamika boma la Dr Lazarus Chakwera chifukwa choika chidwi pa ulimi zomwe ati zithandiza kuthetsa vuto la njala.

Wolemba Mayeso Chikhadzula.

Print Friendly, PDF & Email

Related posts

SOUTH-WEST POLICE DRILL PRIMARY STUDENTS ON ROAD SAFETY

MBC Online

High Court reserves ruling on Mulli’s K270 billion claim

Simeon Boyce

Court gives Chinese nationals six years for human trafficking

MBC Online
error: All Content is protected. Copyright © 2022. Malawi Broadcasting Corporation. All Right Reserved.