Malawi Broadcasting Corporation
Africa Local News Nkhani Politics

A CHAPONDA ALI PA MSONKHANO WINA NGATI WACHIWIRI KWA MTSOGOLERI WA DPP

Phungu wa nyumba yamalamulo wadera la kuzambwe kwa boma la Mulanje, a George Chaponda, amene awathamangitsa ku msonkhano wa akuluakulu a ku nyumba ya Malamulo komwe amafuna kukaimira ngati mtsogoleri wa aphungu otsutsa pa zokambiranazo, tsopano ali ku msonkhano wa bungwe la Democracy Works Foundation komwe akuimiranso chipani cha DPP.

Bungwe la Democracy Foundation lakonza maphunzirowa pofuna kupereka upangiri kwa akuluakulu a zipani zisanu ndi chimodzi zimene zili ndi aphungu mu nyumba ya malamulo pa zomwe akuyenera kuchita ndi kutsata pa ndondomeko yaza chuma yomwe aikambirane ku nyumba ya malamulo.

Poyankhula pozizindikiritsa, a Chaponda auza msonkhanowu kuti iwo ndi wachiwiri kwa mtsogoleri wa chipani cha DPP mchigawo chakummwera.

Iwo awathamangitsa ku msonkhano oyambawo kumene akuluakulu a ku nyumba ya malamulo akukambirana mmene mkumano wa nyumba ya Malamulo, umene uyambe lachisanu, uyendere.

Wolemba: Beatrice Mwape

Print Friendly, PDF & Email

Related posts

Amumanga ataba mbendera yadziko

Charles Pensulo

Energy Ministry institutes Ngwe Ngwe Ngwe project grievance redress structures

MBC Online

A Nankhumwa akhazikitsa chipani

MBC Online
error: All Content is protected. Copyright © 2022. Malawi Broadcasting Corporation. All Right Reserved.